Në Flutura TALK me të ftuar znj. Mirela Sula, patëm kënaqësinë e jashtëzakonshme të bashkëbisedojmë për përvojat e saj nga fëmijëria e deri më sot, siç e parasheh formati i këtij eventi. Mirëpo, mënyra se si znj. Sula e ndërton narracionin, se si i kuptimëson përvojat dhe sfidat përgjatë rrugëtimit jetësor është krejtësisht e veçantë.
Përveç energjisë pozitive tek të pranishmit, fjalët që përcolli znj. Sula ishin tejet inspiruese për gjithsecilin, por në veçanti për gratë. Mbi të gjitha, mesazhet kuptimplota që u përcollën ishin mësim i marr nga përvojat, për t’i kthyer me mjeshtëri në motivim edhe për të tjerët.
