Flutura Academy u krijua në vitin 2020 dhe është pjesë e Bambus Group, fillimisht u jetësua si platformë mësimi por edhe si vendtakim i mundësive. Si platformë digjitale u lansua si një nevojë në kohën e fillimit të pandemisë. Vetëm në muajt e parë u realizuan mbi 100 mijë ushtrime me mbi 11000 nxënës përdorues aktiv, në 62 shkolla të ndryshme.
Nga shtatori i vitit 2021 Flutura Academy u realizua edhe si qendër me prezencë fizike, për zhvillimin dhe aftësimin e të rinjve me shkathtësitë e nevojshme inovative mbështetur në kërkesat e tregut dinamik të punës. Kemi nisur rrugëtimin tonë në Drenas, duke përzgjedhur t’i përkushtohemi e t’i japim mundësi fillimisht komunave më të vogla, e pastaj duke zgjeruar potencialin dhe energjinë në secilën zonë.
Pse Flutura
Emrin “Flutura” e zgjodhëm për shkak se në një formë procesi i metamorfozës së fluturës e reflekton procesin e përgatitjes/rritjes profesionale dhe personale të secilit individ. Asnjë larvë s’mund të arrijë të jetë flutur pa kushtet e nevojshme për ta realizuar procesin e transformimit me sukses. Ngjashëm, pa aftësimin me shkathtësitë e nevojshme për tregun e sotëm të punës, asnjë i ri s’mund t’i realizojë pritjet dhe ëndrrat e veta.
Pse në Drenas
Kemi nisur rrugëtimin tonë në Drenas, duke përzgjedhur t’i përkushtohemi e t’i japim mundësi fillimisht qendrave më të vogla, e pastaj duke zgjeruar potencialin dhe energjinë në secilën zonë. E gjithë kjo është investim nga Bambus Group, me vizionin për ofrim të mundësive për zhvillim të potencialit të të rinjve tanë.
Ekipi
Bordi Drejtues
