Rreth nesh

Pse Flutura?

Emrin “Flutura” e zgjodhëm për shkak se në një formë procesi i metamorfozës së fluturës e reflekton procesin e përgatitjes/rritjes profesionale dhe personale të secilit individ. Asnjë larvë s’mund të arrijë të jetë flutur pa kushtet e nevojshme për ta realizuar procesin e transformimit me sukses. Ngjashëm, pa aftësimin me shkathtësitë e nevojshme për tregun e sotëm të punës, asnjë i ri s’mund t’i realizojë pritjet dhe ëndrrat e veta.

Flutura Academy u krijua në vitin 2020 dhe është pjesë e Bambus Group, fillimisht u jetësua si platformë mësimi e në vitin 2021 edhe si qendër-vendtakim i mundësive. Si platformë digjitale u lansua si një nevojë në kohën e fillimit të pandemisë. Vetëm në muajt e parë u realizuan mbi 100 mijë ushtrime me mbi 11000 nxënës përdorues aktiv, në 62 shkolla të ndryshme. Ndërsa si qendër për trajnime profesionale, vetëm në vitin e parë të operimit janë përfshirë mbi 1050 nxënës.

Flutura Academy

Misioni dhe Vizioni

Misioni
Flutura Academy synon ofrimin e mundësive për përfshirje të barabartë të të gjithë të rinjve, duke i mbështetur të zhvillojnë dijet, shkathtësitë dhe vlerat në harmoni me kërkesat e një shoqërie të lirë, të tregut dinamik të punës.

Vizioni
Flutura Academy si vizion ka aftësimin e të rinjve që të jenë kompetent në fushat më të kërkuara, në trend me ritmin dinamik të nevojave bashkëkohore. Duke mëtuar të jetë vendtakim për pajisjen e të rinjve me shkathtësitë e nevojshme, me fokus në fushën e TIK-ut dhe gjuhëve të huaja.

Drenasi- lokacioni i parë i Fluturës

Kemi nisur rrugëtimin tonë në Drenas, duke zgjedhur t’i përkushtohemi e t’i japim mundësi fillimisht qendrave më të vogla, e pastaj të zgjerojmë potencialin në secilën zonë. E gjithë kjo është investim nga Bambus Group, me vizionin për të ofruar mundësi për zhvillimin e potencialit të të rinjve tanë. Dy vite pas, kemi zgjeruar shtrirjen tonë edhe në Ferizaj, Prizren dhe Podujevë, më entuziastë se kurrë për këto rrugëtime të reja.