Sot, më 30 shtator, përuruam hapjen e qendrës së Flutura Academy, këtë herë në Kryeqytet.
Në prani të një audience të larmishme, ritheksuam vullnetin tonë se ne do të vazhdojmë ofrimin e mundësive për përfshirje të barabartë të të gjithë të rinjve, që të ndjekin rrugën e tyre drejt suksesit. Kjo është e dëshmuar tashmë, si për edukim e përgatitje profesionale si për orientim e mbështetje në karrierë.
Për një fjalë rasti, ishin prezent Kryetari i Bordit Drejtues të Flutura Academy, z. Bekim Ahmetaj, Zëvendësdrejtoresha e misionit në USAID, znj. Kerry Monaghan-Hogler, si dhe përfaqësuesi i rrjetit të bizneseve të diasporës shqiptare, z. Omer Nura. Po ashtu, me prezencën e saj na nderoi edhe Zëvendës-Presidentja Ekzekutive e DT Global, znj. Jaleen Moroney.
Me hapjen e qendrës sonë të re, të rinjtë e kryeqytetit dhe jo vetëm, do të gjejnë një hapësirë të re shumë të përshtatshme, për zhvillim dhe avancim personal dhe profesional. Në këtë udhëtim të përbashkët drejt suksesit, ne jemi të përkushtuar për t’i mbështetur dhe për të krijuar mundësi për shkëmbim të ideve dhe njohurive. Faleminderit gjithë atyre që janë bërë pjesë e sukseseve tona të përbashkëta deri tani.
