Në kuadër të Ditës Ndërkombëtare të Vajzave në TIK, është mbajtur një punëtori njëditore me nxënëset tona të programimit dhe dizajnit grafik, në formë të garës në mes të grupeve.
Punëtoria ka përfshirë zbatimin e njohurive më të rëndësishme në fushën e zhvillimit të Web-it, duke filluar nga struktura bazike HTML dhe stili i avancuar me CSS, deri te përdorimi i framework-ut të avancuar si Bootstrap për të përmirësuar performancën dhe aspektin vizual të webfaqes.
Meqenëse, këtë vit motoja për të shënjuar Ditën Ndërkombëtare të Vajzave në TIK është “Lidershipi”, qëllimi përmes këtij aktiviteti, veç tjerash ishte të zhvillohen edhe shkathtësitë e buta, si: puna në grupe, ndarja e detyrave, lidershipi, zgjidhja e problemeve, menaxhimi i kohës, shkathtësitë e komunikimit, e kështu me radhë.
Gara u zhvillua me shpërblime për grupin fitues si dhe me certifikata pjesëmarrjeje. Kënaqësi të shohësh angazhimin e vajzave në teknologji, të cilat me idetë dhe kreativitetin e tyre mund të krijojnë dhe të ndryshojnë botën në mënyra të reja dhe tejet inovative.
