Sot është dita ndërkombëtare e shkrimit dhe leximit, ku nënvizohet rëndësia që ka njohuria për të shkruar e lexuar si një çelës suksesi në çdo shoqëri të lirë.
Me këtë rast morëm shkas, të hapim kampanjën për dhurimin e librit, që të pasurojmë këndin e bibliotekës në ambientet e Flutura Academy, në mënyrë që të rinjtë tanë të ndihen të lirë të huazojnë sa më shumë libra të ndryshëm për lexim. Me një qasje të pasur në libra, individi forcon bazat për një zhvillim të vazhdueshëm.
Ndaj, ftojmë të gjithë dashamirët e librit, si: nxënës, prindër, institucione të ndryshme, shtëpi botuese, biznese apo individ të ndryshëm, të bëhen pjesë e kësaj iniciative për të pasuruar këndin e bibliotekës për të rinjtë tanë në ambientet tona të përbashkëta, në qendrat tona në: Prishtinë, Ferizaj, Shtime, Podujevë, Prizren dhe Drenas.
Bëhuni pjesë e kampanjës, dhuro një libër krijo një të ardhme. Ndaje librin e preferuar, dhuroja këtë mundësi edhe lexuesve të tjerë. Librat mund t’i dhuroni çdo ditë pune në Flutura Academy.
